Для вучняў 9-11 класаў у рамках 6-га школьнага дня 5 лютага прайшоў занятак з элементамі трэнінгу "рух да пазітыўнай будучыні". З навучэнцамі былі праведзены практыкаванні "знаёмства", "капялюш жаданняў","размова начыстую".

У рамках праекта "Здаровы пасёлак-Гарадзішча" для навучэнцаў 7-8 класаў прайшоў занятак " уплыў алкаголю, нікаціну і наркотыкаў на духоўнае і фізічнае развіццё падлеткаў» і квэст «ЗОЖ назаўжды». Навучэнцам была прадстаўлена змястоўная інфармацыя аб шкодных звычках і залежнасці, якую выклікаюць наркотыкі.

Навучэнцы 5-6 класаў спаборнічалі ў конкурснай праграме "Мы-вясёлая каманда" і паказалі свае самыя лепшыя якасці, якія неабходныя для працы ў сапраўднай камандзе.

Цікава і займальна прайшла інтэлектуальная гульня " Разумнікі і разумніцы» сярод навучэнцаў пачатковай школы. Хлопцы з вялікім энтузіязмам разгадвалі рэбусы, удзельнічалі ў розных конкурсах. Праявілі кемлівасць, логіку, веды.