Мэта работы дзяржаўнай установы адукацыі “Гарадзішчанская сярэдняя школа імя М.А.Скіпара Баранавіцкага раёна” на 2023/2024 навучальны год: працягнуць работу па удасканаленню адукацыйнай прасторы праз забяспячэнне сучасных адукацыйных патрэб асобы і дзяржавы.
Задачы:
1. Забяспечыць стварэння бяспечных умоў пры арганізацыі адукацыйнага працэса.
2. Удасканальваць адукацыйны працэс, арыентаваны на задавальненне адукацыйных патрэб навучэнцаў, які спрыяе павышэнню якасці адукацыі, садзейнічае эфектыўнай рэалізацыі профільнага навучання на ІІІ ступені і дапрофільнай падрыхтоўкі вучняў на II ступені агульнай сярэдняй адукацыі.
3. Ствараць умовы для развіцця творчых здольнасцей матываваных вучняў у працэсе даследчай дзейнасці, алімпіяднага руху праз стымуляванне творчай дзейнасці педагогаў.
4. Удасканаліць якасць і карэкцыйную накіраванасць адукацыйнага працэсу для дзяцей з АПФР, развіваць інклюзіўную культуру ва ўсіх удзельнікаў адукацыйнага працэсу.
5. Удасканальваць узровень прафесійнай кампетэнцыі педагогаў праз асобаснае развіццё, павышэнне кваліфікацыі, авалоданне сучаснымі сродкамі камунікацыі, анлайн-узаемадзеяннем, адукацыйнымі Інтэрнет-рэсурсамі.
6. Ствараць абстаноўку псіхалагічнага камфорту і бяспекі жыццядзейнасці навучэнцаў праз удасканаленне маральна здаровых адносін у сацыяльным асяроддзі, прафілактыку правапарушэнняў непаўналетнімі, арганізацыю фізкультурна-аздараўленчай работы і прапаганды здаровага ладу жыцця, стварэнне адаптыўнага асяроддзя.
7. Фарміраваць у навучэнцаў пачуццё грамадзянскасці, патрыятызму, духоўна-маральных каштоўнасцей, экалагічнай культуры, устойлівай матывацыі да здароўезберажэння праз удасканаленне сістэмы выхаваўчай работы, арганізацыю занятасці навучэнцаў у шосты школьны дзень, удзелу ў моладзевых арганізацыях.
8. Працягваць працу па мадэрнізацыі і абнаўленні матэрыяльна-тэхнічнай базы ўстановы адукацыі, аснашчэнні сучаснымі сродкамі навучання і вучэбным абсталяваннем праз актывізацыю работы па развіцці пазабюджэтнай дзейнасці.
Адукацыя – працэс развіцця і самаразвіцця асобы, звязаны з авалодваннем сацыяльна значным вопытам чалавецтва, увасобленым у ведах, уменнях, творчай дзейнасці і эмацыянальна-каштоўных адносінах да свету; неабходная ўмова захавання і развіцця матэрыяльнай і духоўнай культуры.
1. Дзяржаўная палітыка ў галіне адукацыі асноўваецца на прынцыпах:
1.1. прыярытэту адукацыі;
1.2. прыярытэту агульначалавечых каштоўнасцей, правоў чалавека, гуманістычнага характару адукацыі;
1.3. гарантыі канстытуцыйнага права кожнага на адукацыю;
1.4. Забеспячэнне аднолькавага доступу да атрымання адукацыі;
1.5. абавязковасці агульнай базавай адукацыі;
1.6. інтэграцыі ў сусветную адукацыйную прастору пры захаванні і развіцці традыцый сістэмы адукацыі;
1.7. экалагічнай накіраванасці адукацыі;
1.8. падтрымкі і развіцця адукацыі з улікам задач сацыяльна-эканамічнага развіцця дзяржавы;
1.9. дзяржаўна-грамадскага характару кіравання адукацыяй;
1.10. свецкі характар адукацыі.
2. Асноўнымі накірункамі дзяржаўнай палітыкі ў сферы адукацыі з'яўляецца:
2.1. забеспячэнне правоў, свабод і законных інтарэсаў грамадзян у сферы адукацыі, у тым ліку права на атрыманне адукацыі як за кошт сродкаў рэспубліканскага і(ці) мясцовых бюджэтаў, так і на платнай аснове;
2.2. забеспячэнне даступнасці адукацыі, у тым ліку асобам з асаблівасцямі псіхафізічнага развіцця ў адпаведнасці з іх станам здароўя і пазнаваўчымі магчымасцямі на ўсіх узроўнях асноўнай адукацыі і пры атрыманні дадатковай адукацыі;
2.3. стварэнне спецыяльных умоў для атрымання адукацыі асобамі з асаблівасцямі псіхафізічнага развіцця і аказанне гэтым асобам карэкцыйна-педагагічнай дапамогі;
2.4. стварэнне неабходных умоў для задавальнення запытаў асобы ў адукацыі, патрэбнасцей грамадства і дзяржавы ў фарміраванні асобы, падрыхтоўцы кваліфікаваных кадраў;
2.5. забеспячэнне ўдзелу дзяржаўных органаў і іншых арганізацый, у тым ліку грамадскіх аб'яднанняў, у развіцці сістэмы адукацыі;
2.6. ажыццяўленне пераходу да абавязковай агульнай сярэдняй адукацыі;
2.7. ажыццяўленне мэтавай падрыхтоўкі спецыялістаў сярэдняй адукацыі;
2.8. забеспячэнне пераемнасці і бесперапыннасці ўзроўняў асноўнай адукацыі, ступеняў адукацыі, у рамках аднаго ўзроўню асноўнай адукацыі;
2.9. забеспячэнне роўнасці беларускай і рускай моў;
2.10. забеспячэнне дзейнасці ўстановы адукацыі па ажыццяўленні выхавання, у тым ліку па фарміраванні ў грамадзян духоўных і маральна-этычных каштоўнасцяў, здаровага ладу жыцця, грамадзянкасці, патрыятызму, адказнасці, працавітасці.
3.Ва ўстановах адукацыі не дапускаецца стварэнне і дзейнасць палітычных партый іншых грамадскіх аб'яднанняў, якія ствараюць перад сабой палітычныя мэты, а таксама стварэнне і ананімная ці іншая дзейнасць арганізацый,якая супярэчыць заканадаўству.
4. Установы адукацыі па пытаннях выхавання на падставе пісьмовых заяў навучэнцаў (законных прадстаўнікоў непаўналетніх навучэнцаў) у пазаўрочны час могуць узаемадзейнічаць з зарэгістраванымі рэлігійнымі арганізацыямі з улікам іх уплыву на фарміраванне духоўных, культурных і дзяржаўных традыцый беларускага народа. Парадак, умовы, змест і формы такога ўзаемадзеяння вызначаюцца Указам Рэспублікі Беларусь па ўзгадненню з Прэзідэнтам Рэспублікі Беларусь.
5. Арганізацыйнай асновай здзяснення дзяржаўнай палітыкі ў сферы адукацыі з'яўляецца праграма развіцця сістэмы адукацыі, праграмы развіцця дашкольнай, агульнай сярэдняй, прафесійна-тэхнічнай, сярэдняй спецыяльнай, вышэйшай, спецыяльнай адукацыі, дадатковай адукацыі для дзяцей і моладзі і дадатковай адукацыі дарослых, якія зацвярждаюцца Урадам Рэспублікі Беларусь на пяцігадовы перыяд.