31 кастрычніка для вучняў 5-7 класаў прайшло мерапрыемства «Традыцыі і звычаі беларусаў». Незвычайнасць гэтага мерапрыемства была ў тым, што яно прайшло ў школьным музеі. Вучні нібы на «Машыне часу» пабывалі ў беларускай хатцы ХІХ стагоддзя. Экскурсаводы Коваль Марыя і Юлія Скрыпчанка цікава і займальна расказалі  аб традыцыях і звычаях беларускага народа. 

У гэты ж дзень нас наведалі вучні школы № 15 г. Баранавічы. Для іх была праведзена экскурсія па экспазіцыям школьнага музея. Удзячныя госці пакінулі свае ўражанні ў кнізе водгукаў.