27 кастрычніка ў нашу школу прыязджалі прадстаўнікі Новашчапаўскай СШ Клінскага раёна Маскоўскай вобласці. Калектыў школы выступіў з ініцыятывай аднавіць сяброўскія адносіны, так як школа носіць імя іх земляка, героя СССР П. П. Едунова, які загінуў пры вызваленні Баранавіцкага раёна і пахаваны ў Брацкай магіле каля школы. У час сустрэчы былі намечаны мерапрыемствы, якія пройдуць у  дыстанцыйным і онлайн рэжымах, а таксама вучні Новашчапаўскай школы прыедуць да нас на экскурсію ў час летніх канікул.