21.10.2017

Навучэнцы 2-4 класаў наведалі музей рамёстваў в. Русіна.

Вучні наведалі 5 залаў музея, дзе распавядаецца пра гісторыі Баранавіцкага краю са старажытных часоў да нашага часу. У адным з залаў можна было ўбачыць элементы сялянскай хаты: кудзелец, начоўкі, плеценыя кошыкі, гліняны посуд і іншыя прадметы. У зале традыцыйных беларускіх промыслаў дзеці даведаліся аб рыбалоўстве, пчалярстве і паляванні.

На тэрыторыі ў шэраг размясціліся дзевяць статуй старажытнаславянскіх багоў. Навучэнцы паслухалі легенды і міфы пра багоў Зюзе, Белуне, Перуне і іншых, якім пакланяліся нашы продкі.